سألت جارتنا أم بهية
جوزها العامل فى البلدية
ما تقوللى يا لفندى يا جوزى
معنى الكلام الأراجوزى
اللى قااالوه فى التلا فز يون
ديمراقراطية .. ديرنقاطية
كلمة ما تيجى يوم على بال
واحلف دى شتمة يا عبد العال
قام قالها السيد جوزها
وهى بتمط فى بوزها
ما تبطلوا جهل يا جدعان
ديــــــــــــــموقراطية يا بهية
ما تفهمى بقى يا ولية
ديمقراطية .. ديمقراطى
خصم الكلام عند الحاتى
واتعشى على كيلو حراتى
وانا أبوس فى أورطاس طعمية
ديمقراطية ومقرية
فى صحف جرايد مطوية
بتقول نعم بكرة وبعده
ولحد ألفين سنة جاية
ديمقراطية دى لعبتنا
عملوها جدعان حتتنا
عشان ما تحلو صورتنا
ويصدقوا إن عيشتنا
عايمة فى بحور العسلية
ديموقراطية تدلعها
وساعات كتير نــــــــــلوى دراعها
بس اشترى يوم عتقية
ديموقراطية .. ديموقراطرط
وكلام كتير وبقى مراطرط
والكل مبسوط ومسااااأطط
ببرباطوسه اللى مناااأط
من كيفه بقى ماشى يساااأط
على باب حارتنا المنسية
ديموقراطية اتجنن قول
تحيا البقول ويعيش الفول
رزق المدهول على المسطول
والعيشة حلوة مسلية
ديموقراطية هى ووووو موووش هية
بس الشبه عشرة المية
تسعة عشان العالمية
وواحد لمون بالملوخية
ما تسكتى بقة يا ولية
فى داهية روحى انت وهية
دى عشان تفوت الوردية
يموت غفير عشرين ميه
وأعيش خروف من غير لية
وأموت قتيل وما ليش ديه
وتعيش جناب الديمو مو مو لــــــــــوخيه[center]